Најмалку 51 лице го загуби животот во неочекуваните поплави што ја погодија југоисточна Шпанија, соопшти портпаролот на регионалната влада на Валенсија за „Ројтерс“.
Силните дождови, предизвикани од студен бран кој се движел преку јужните и источните делови на земјата, ги поплавиле патиштата и градовите, што ги натера властите во најпогодените области да препорачаат на граѓаните да останат дома и да избегнуваат непотребни патувања.
Особено погодена е областа Валенсија, каде поплавата предизвика хаос на патиштата. Итните служби се ангажирани на спасување на луѓето од поплавените подрачја и во потрага по исчезнатите лица. Меѓу загинатите во Валенсија има и деца.
