Популарно шпанско јадење кое е навистина многу лесно за подготовка и нуди уникатен вкус.
Состојки:
маслиново масло
1 кромид
1 црвена пиперка
2-3 чешниња лук
500 г школки
1 лажица доматно пире
200 г ориз
1 коцка за супа
околу 600 мл вода
100 г грашок
зачини по вкус (сол, бибер)
100 мл бело вино
свеж магдонос
парчиња лимон за сервирање
Подготовка:
Загрејте малку маслиново масло во тава и додадете го ситно сечканиот кромид. Пржете додека не омекне.
Додадете ја исечканата пиперка и лукот и продолжете со пржење колку зеленчукот да омекне.
Додајте ги одмрзнатите школки и кратко пржете додека не испари водата што ќе ја пуштат. Потоа додајте доматно пире и ориз.
Додајте ја коцката за супа и водата. Варете на умерена температура околу 10-15 минути, додека оризот не омекне. Избегнувајте мешање за да се зачува текстурата.
Додајте го грашокот, зачинете по вкус и додадете бело вино. Продолжете со варење додека виното не испари, а потоа додадете свеж магдонос.
Сервирајте ја паељата топла, со парчиња лимон одозгора за свежина. Сокот од лимонот е идеален за попрскување пред дегустација.
Паељата треба да остане сочна, затоа внимавајте да не испари целата течност.
