„Кога градоначалникот што фалсификува не се вика Висар или Изет, полицијата веднаш постапува“, вели Арсовска

Градоначалничката на Град Скопје, Данела Арсовска повторно е активна на социјалните мрежи каде што испрати порака по реакцијата на МВР и кривичната пријава за градоначалникот на Росоман.

Кога градоначалникот што фалсификуваат НЕ СЕ ВИКААТ ВИСАР И ИЗЕТ МВР секогаш постапува ВЕДНАШ

Градоначалникот на Росоман спротивно на законските прописи со изготвување на 6 лажни јавни исправи, одобренија за градење и реконструкции на штета на буџетот на општина Росоман, Центар за развој на Вардарски плански регион – Биро за регионален развој и Министерство за транспорт противзаконски искористил парични средства во вкупен износ од 35.897.901 денари со што пријавениот го сторил кривичното дело ФАСЛИФИКУВАЊЕ ИСПРАВА чл. 378 став 1 и 3, а во врска со член 45 од КЗ на РСМ.

Пријавениот С. Н во својство на Градоначалник на Општина Росоман, постапил спротивно на Закон за градење чл. 58 став 2 (Службен весник на РМ бр. 130/09, 124/10, 18/11, 36/11, 54/11, 13/12, 144/12, 25/13, 79/13, 138/13, 163/13, 27/14. 28/14, 42/14, 154/14, 194/14, 187/14, 44/15, 129/15, 217/15, 226/15, 30/16, 31/16, 39/16, 71/16, 132/16 и 35/18), а во врска со член 205 став 1 и чл. 209 од Закон за општа управна постапка (Службен весник на РМ бр. 38/05, 110/08, 124/15 и 65/18) на начин што изготвил 6 лажни јавни исправи, од кои 4 одобренија за градење и 2 одобренија за реконструкција на улици, истите ги употребил како вистински во правниот промет, а при тоа иако бил должен не ги водел во јавната евиденција, односно, во информацискиот систем „е-Одобрение за градење“, објави Арсовска.