„Сега е шанса да се расчисти со дивоградбите во Чаир“, кажа Ивановска

Билјана Ивановска, поранешна претседателка на Државната комисија за спречување на корупцијата, остро се осврна на урбанистичкиот хаос во скопската општина Чаир, гостувајќи во емисијата „Трилинг“.

Таа упати јасна и недвосмислена порака – време е конечно да се стави крај на дивоградбите кои, според неа, целосно го нарушиле ликот и духот на некогаш зелениот Чаир.

„Ова е можност да се стави точка на урбаното беззаконие во Чаир. Овој дел од градот некогаш беше препознатлив по зелените површини и отворениот простор, а денес е претворен во бетонска џунгла“, изјави Ивановска.