„Ако има раст на платите тешко ќе се намали инфлацијата“, вели Димитриеска Кочоска

На денешната прес-конференција, министерката за финансии Гордана Димитриеска Кочоска изјави дека зголемувањето на просечната плата на национално ниво создава инфлаторни притисоци, што го отежнува справувањето со инфлацијата во државата.

„Просечната плата ќе расте поради тоа што нема доволно работна сила и компаниите во приватниот сектор имаат проблем со ова. Кога се трудите да привлечете добар работник од некоја друга компанија, бидејќи се вртат истите работници, а немаме ние нова работна сила која што би ја понудиле, сега се трудиме еве нешто да направиме во тој дел со преквалификации, одредени промени на закони, но за сето тоа треба време

Проблемот со инфлацијата и просечната плата е комплексен и треба време да се среди. Кажувам и повторувам дека ние работиме во континуитет во тој дел и не сме застанале“, вели министерката.