Потребна е помош: Тереза – храбрата девојка која го започна патот кон оздравување

Кога секое детско движење е проследено со болка, надежта живее во лекарските раце и во хуманоста на луѓето. Малата Тереза, девојче со сериозно моторно нарушување, успешно ја заврши првата фаза од сложениот медицински третман кој го започна во Турција.

Тереза, уште од раѓање, се соочува со тешки ортопедски проблеми, поради кои семејството, откако не добило соодветна помош во Македонија, било принудено да побара специјализиран третман во странство. Нејзината надеж ја пронашле кај доц. д-р Мурат Каја, кој одлучил оперативниот зафат да се изведе во две фази.

Првата операција, во која лекарите интервенирале на колковите и колената, поминала успешно. Сега следува тринеделна рехабилитација во специјализираниот центар „ЕЛИТ 17“ во Трговиште, Турција, каде малата хероина ќе се подготвува за следниот чекор.

Зад успехот стои и хуманоста на 293 донатори, кои преку платформата PavelAndreev.ORG собраа над 22.099 евра, средства кои ќе бидат наменети за третманот, рехабилитацијата и за втората операција што следува во наредната година. Таа ќе опфати продолжување на ахиловите тетиви и изправување на глуждовите – интервенции што треба да ѝ овозможат на Тереза чекори без болка.

ДОКОЛКУ СТЕ ВО МОЖНОСТ ДА ПОМОГНЕТЕ, ТОА МОЖЕ ДА ГО НАПРАВИТЕ ТУКА