Фото: Принтскрин
Смртта на тинејџерката (19) од Нови Сад, која трагично настрада за време на парасејлинг, отвори низа прашања, а снимката од нејзината смрт дополнително ја продлабочи мистеријата — дали девојката скокнала во смрт од страв?!
Полицијата и обвинителството сè уште ги истражуваат сите детали од оваа несреќа, додека стручњаците се сомневаат дека трагедијата настанала како последица на паничен напад.
Проф. д-р Невена Чаловска објасни дека случајот од Будва, во кој трагично настрада девојката, е мошне деликатен и дека нејзиното стручно мислење се заснова на претпоставки, бидејќи сè уште нема докази кои би ги потврдиле.
Дали стравот ѝ предизвикал паничен напад?
– Претпоставувам дека девојката многу се возбудила кога се нашла на висина од 50 метри, каде што има силни звучни фреквенции, во ист момент нејзините нозе не ја допирале земјата, а според снимката, изгледа и дека во еден момент ѝ недостасувал воздух. Можно е под тие услови да ѝ се активирал некој од трите вродени стравови, кои довеле до развој на паничен напад. Ми се чини дека таа несвесно се обидела да го надмине тој страв, па затоа се одврзала и се издигала од седиштето. Нејзините обиди биле целосно нерационални и нефункционални, нејзиниот мозок се борел со чувство што ја надвладеало. Тоа често се случува кога се активира некој од вродените стравови или кога доаѓа до паничен напад, а јас претпоставувам дека во овој случај се случило и едното и другото – објасни проф. д-р Невена Чаловска, инаку ценета психотерапевтка.
„Нејзиниот говор на телото открива дека се борела за живот“.
