Фото: Фејсбук
Марија Атанасовиќ, сестра на речиси пет месеци исчезнатиот Миле Тодоров, повторно ја активираше јавноста со нови информации за можна трага.
Според неа, неидентификуван очевидец го забележал маж кој одговара на описот на Миле како се движи по планината Серта, но не успеал да го задржи или контактира. За случајот била известена и полицијата, која веднаш извршила интервенција на теренот.
Атанасовиќ објаснува дека ликот на нејзиниот брат значително се променил во однос на моментот кога бил пријавен како исчезнат – има долга коса и густа брада, што дополнително ја отежнува неговата идентификација.
„Ве молам споделувајте, по сознанија од очевидец, брат ми Миле Тодоров, исчезнат на 30.01 е виден како се движи покрај планината ‘Серта’, доста бил ослабнат и со долга коса и брада. Ве молам ако се движите таму и видите таков човек, да пријавите во полиција“, објави неговата сестра.
