На Клиниката за детски болести во Скопје заврши животот на бебето чие раѓање во септември минатата година беше проследено со трагедија – смртта на неговата мајка при породување во Општата болница во Куманово. Веста за смртта ја потврдија медицински извори, а семејството било информирано на 23 мај, објави „СДК.мк“.
Трагичниот настан се случи на 27 септември 2024 година, кога 31-годишна жена во последниот месец од бременоста, со уредна здравствена состојба, била примена во болницата во Куманово со прснат воденик и започнато породување. Наместо да се развие рутинска постапка, состојбата на родилката драматично се влошила по повеќе од 30 часа без значаен напредок. Жената ненадејно починала во породилната сала.
Медицинскиот тим реагирал итно и извршил царски рез, при што новороденчето било извлечено живо и веднаш транспортирано на Клиниката за детски болести во Скопје. Таму, бебето било ставено на респиратор и било подложено на континуирана интензивна терапија. И покрај максималните напори на лекарите, неговата здравствена состојба останала критична во текот на целиот период.
Повеќе за тоа може да прочитате на „СДК.мк“.
