Фото: Принтскрин
Од солунската Општа болница „Папаниколау“ вчера беше отпуштена и последната пациентка која беше хоспитализирана по трагичниот пожар што се случи во Кочани на 16 март.
Таа заедно со уште две лица беше префрлена во Грција за итен медицински третман поради сериозни изгореници.
Со нејзиното отпуштање, официјално завршува процесот на лекување на тројцата пациенти што беа згрижени во оваа здравствена установа, информираат надлежните од болницата преку официјално соопштение.
„Тројцата млади пациенти, на возраст од 19, 25 и 26 години, успешно го поминаа тежок, но важен процес на лекување, започнувајќи од Одделот за изгореници и Одделението за интензивна нега, сè до специјализираната Клиника за пластична и рачна хирургија“, стои во соопштението.
