(Фото) Иницијативата „Кој е следен?“ повторно ќе протестира во Кочани

Под слоганот „Одиме повторно за Кочани“, граѓанската иницијатива „Кој е следен?“ упати нов повик за масовно присуство на протестен собир што ќе се одржи во сабота во 16:05 часот, на локацијата кај Паркот на револуцијата во Кочани.

Организаторите повикуваат на сплотеност и заедничка борба за правда, упатувајќи апел до сите граѓани кои имаат можност да понудат превоз или, пак, имаат потреба од ист, да се пријават преку посебно креиран онлајн формулар.