Фото: PavelAndreev.com
Моника се соочува со тешка и агресивна форма на тумор, кој за кратко време се проширил низ нејзиното тело, загрозувајќи ѝ го животот.
ДОКОЛКУ СТЕ ВО МОЖНОСТ ДА ДОНИРАТЕ, ТОА МОЖЕ ДА ГО НАПРАВИТЕ ТУКА (PAVELANDREEV.ORG)
За да ја продолжи неопходната терапија, која е од суштинско значење за нејзиниот опстанок, потребно е итно да се покријат значителни медицински трошоци.
„Ако го читаш ова, значи дека мојата надеж се уште постои…
Драги луѓе,
Можеби не ме познавате, но јас само сакам да живеам. Сакам да се разбудам наутро без болка. Сакам да ги прегрнам моите блиски без да се прашувам дали утре ќе бидам тука. Сакам уште еден ден. Уште една шанса.
Не молам за луксуз. Молам за живот.
Секој атом во мене се бори, но и секој ден ме потсетува колку е тенка границата меѓу животот и смртта кога немаш средства за лекување.
Ми помогнавте досега и ви благодарам од се срце – но ве молам, не застанувајте тука…
Пред неколку дена се вратив од Турција, од болницата, каде што примив хемотерапија која чинеше 5.000 евра. Тоа беше пресудна терапија што ми даде нова надеж – докторите ми рекоа дека случајот е решлив, дека ќе бидам добро, но само ако продолжам со терапиите.
Таа надеж, таа светлина во темнината… сега повторно згаснува.
Сите заштеди се потрошени. Моето семејство е исцрпено – и финансиски, и емотивно
Но јас се уште верувам. Се уште се борам. Се уште сакам живот
Морам да продолжам со лекувањето – тоа е единствениот начин да преживеам
Остануваат уште терапии по 5.000 евра – терапии кои според лекарите се клучни за да се запре ширењето на канцерот. Без нив, мојата шанса полека умира. А јас не сум подготвена да се откажам.Не ми е срам да молам. Молам за помош, за поддршка, за живот.
Молам во име на сите кои ме сакаат, и на сите кои веруваат дека човечноста постои.
Ви благодарам што ме држите во живот досега. Ви благодарам што ми ја дадовте шансата да продолжам.
Сега, повеќе од кога било, ми треба вашата поддршка.
Секој ден е пресуден. Секоја донација ми значи како здив
Ве молам, донирајте повторно. Споделете ја мојата приказна. Помогнете ми повторно да станам.
Јас нема да се предадам. Само ми треба малку сила од вас, за да можам да ја продолжам битката“, стои во објавата.
