Фото: Македонски Аманет Македонец за Македонец
По трет пат по ред, на Меѓународниот ден на семејството, беше организирана манифестацијата со наслов „Христијанските вредности, традицијата и патриотизмот – столбови на македонското семејство“, која и оваа година ги собра граѓаните со заедничка цел – зачувување на идентитетот и вредностите на Македонија.
Настанот се одржа под отворено небо со учесници од сите генерации, кои преку музика, поезија и патриотски изведби ја пренесоа пораката за значењето на семејството како основна клетка на општеството.
Традиционално, водителка на настанот беше актерката Ирена Спировска, која на почетокот упати благодарност до градоначалникот на Општина Аеродром, Дејан Митевски, за неговата поддршка и лично присуство.
Манифестацијата започна со изведба на химната на Република Македонија од страна на Методија Столески, кој потоа ја отпеа и песната „Македонец за Македонец“. Настапот беше проследен со бурен аплауз и овации од публиката, која со видлива емоција ја прими пораката од песната.
„Претседателот на здружението Дејан Гавровски наместо говор ја изрецитира “Децата на Сонцето” од Петар Темелковски во траење од близу 7 минути.
Сања Сизи со звуците на виолината не разнежни со убави македонски песни, а Ентузијазмот и Љубовта кон Македонската Песна на Ансамблот,, Вања Лазарова” и кај нас помладите разбуди носталгија за минатото во кое не врати и нашата гостинка од Куманово Лилјана Тричковиќ која изигра дел од македонската драма” Ленче Кумановче”.
Дани Бенд со изведбите на Јано Мори и Оган да го гори направија микс од традиција и патриотизам за на крајот 14 годишната Теодора Трајкова да испрати порака преку десет минутен рецитал дека Македонскиот Народ е Пиреј.
Благодариме на учесниците и на присутните и здравје боже се гледаме следната година по 4 ти пат за меѓународниот ден на семејството…“, се вели во објавата на „Македонски Аманет Македонец за Македонец“.
