(Фото) Стефани има големо срце: Донираше 39.000 денари за Кочани од продажба на свои фотографии

Два месеци по трагедијата што ја потресе Македонија, уметноста стана симбол на хуманост и солидарност. Младата фотографка Стефани донираше 39.000 денари за настраданите во пожарот во Кочани, средства собрани од продажбата на нејзините фотографии.

Таа преку социјалните мрежи сподели уплатница со донацијата во вредност од 39.000 денари, собрани од продажбата на нејзините дела и напиша емотивна порака со која се заблагодари за поддршката.

„Пред точно два месеци, трагедија ја зави во црно цела Македонија. Болката, тишината и загубата се врежани во секој агол од нашето секојдневие. Но, токму во тие најтешки моменти, сплотеноста, хуманоста и љубовта добија најсилна форма.

Во продолжение испраќам уплатница во вредност од 39 000ден. која докажа дека сепак сме хумани, и се сочуствувам со сите ваши пораки кои ми стигаат во знак на благодарност.

Секоја купена фотографија беше чин на солидарност, тивка поддршка и надеж дека не се заборавени.

Од срце ви благодарам за секоја подадена рака, за секој поглед и секое присуство.

Ова не е само мој личен успех, туку доказ дека кога сонуваш со цело срце и имаш искрена поддршка од вистинските луѓе, сè е можно. Ви благодарам од срце што верувате во мене, во мојата уметност и во мојата приказна.

За КЧАНИ“, напиша Стефани.