Фото: Принтскрин
Регулаторната комисија за енергетика донесе нова одлука со која се врши корекција на цените на одредени нафтени деривати. Според најновите пресметки, малопродажната цена на ЕУРОДИЗЕЛ (Д-Е V) се зголемува за 2 денари по литар и сега ќе изнесува 66,50 денари за литар. Ова покачување се однесува на цената утврдена со последната одлука од 12 мај 2025 година.
Покачување има и кај Мазутот М-1 НС, чия цена се зголемува за 1,079 денари по килограм. Со тоа, новата малопродажна цена на овој енергенс достигнува 36,529 денари за килограм.
Од друга страна, цените на бензините ЕУРОСУПЕР БС-95 и ЕУРОСУПЕР БС-98, како и на екстра лесното масло за домаќинство (ЕЛ-1), остануваат непроменети. Малопродажната цена на ЕУРОСУПЕР БС-95 и натаму изнесува 73,50 денари за литар, додека ЕУРОСУПЕР БС-98 ќе се продава по цена од 75,50 денари за литар.
