Кошта со порака до Македонија: Нема што да преговараме, мора да се исполни договореното во 2022 година

Претседателот на Европскиот Совет, Антонио Кошта, денеска престојуваше во Скопје, каде што се сретна со премиерот Христијан Мицкоски. По средбата, двајцата државници се обратија на заедничка прес-конференција, на која Кошта упати порака дека сега е време за исполнување на веќе договореното и дека повеќе нема простор за нови услови. Тој ги пофали напорите на македонската влада и досегашните реформски чекори, оценувајќи дека тие се значајни за напредокот кон членство во Европската Унија.

И Кошта и Мицкоски се согласија дека патот кон ЕУ е исполнет со предизвици и фрустрации, но нагласија дека единствено решение е доследна примена на постигнатите договори.

„Кога прашувате за каков вид на гаранција имаме, јасно е она што е договорено – е договорено и немаме веќе за што друго да се договораме. Сега треба да го испорачаме она што сме договориле и нема простор да се бара нешто повеќе“, кажа Кошта.