Обвинителството бара Бектеши да биде пуштен од затвор и да оди во куќен притвор

Основното јавно обвинителство поднесе предлог до Основниот суд во Кочани за замена на мерката притвор со куќен притвор за поранешниот министер за економија Крешник Бектеши и поранешната државна секретарка во истото министерство, Размена Чекиќ-Дуровиќ.

Судот треба да одлучи дали ќе го прифати предлогот на Обвинителството, или пак ќе ја продолжи досегашната мерка притвор за двајцата осомничени.

Бектеши заврши во притвор, откако претходно се случи пожарот во дискотеката „Пулс“ во Кочани, каде што загинаа 62 лица, а над 250 се повредени.