Фото: Igor MC Jakimovski
Македонскиот атлетичар Дарио Ивановски и официјално се пласира на Светското атлетско првенство, кое ќе се одржи во Токио, Јапонија, во периодот од 13 до 21 септември 2025 година.
Според финалната листа објавена од World Athletics, Ивановски се најде меѓу најдобрите 100 маратонци во светот, освојувајќи ја 75. позиција, со статус „Qualified by World Rankings“ – што претставува огромно признание за неговата упорна работа и континуирани успеси на меѓународната сцена.
Овој пласман не е само личен триумф на Дарио, туку и голем момент за македонската атлетика, која сè погласно чекори на светската спортска мапа.
