Фото: Принтскрин
Млад жител на Крива Паланка, 23-годишниот А.А., се извини јавно откако во јавноста се појави вознемирувачко видео на кое се гледа како куче трча врзано за автомобил што се движи по автопатот во близина на градот. Видеото предизвика бурни реакции и осуда од јавноста и здруженијата за заштита на животните.
Министерството за внатрешни работи соопшти дека е отворена истрага, а против лицето ќе биде поднесена кривична пријава за основано сомнение за сторено дело „мачење животни“ согласно член 233 од Кривичниот законик.
Според изјавата на сторителот, кучето наводно само излегло од возилото, а тој, возејќи по автопат, не можел веднаш да запре. Сепак, ваквото објаснување не ја намалува тежината на инцидентот, кој предизвика големо згрозување кај граѓаните и љубителите на животни.
