Директорот на Клиничката болница во Штип, Владко Захариев, излезе со загрижувачка изјава во која откри дека во модуларниот објект на болницата повеќепати било намерно предизвикувано оштетување на електричната инсталација.
„Загрижувачки случаи на вандализам во модуларната болница во Штип. Во изминатиот период, модуларната болница во Штип неколкупати е мета на намерни оштетувања. Непознати сторители саботираат делови од електричната инсталација, со сериозен ризик да предизвикаат краток спој и пожар“, кажа директорот Захариев.
