Фото: Принтскрин
Денеска, 9 мај 2025 година, полициски службеници од СВР Битола привеле 36-годишниот М.Ш. од Битола, откако на улицата „Св. Кирил и Методиј“ бил затекнат по инцидент што се случил нешто порано пред угостителски објект на улицата „Широк сокак“.
Според информациите од Министерството за внатрешни работи, осомничениот со остар предмет упатувал закани кон 41-годишен австралиски државјанин.
По целосно расветлување и документирање на случајот, против лицето ќе биде поднесена кривична пријава за „загрозување на сигурноста со опасно орудие при караница или тепачка“, согласно Кривичниот законик.
МВР информира дека се преземаат и дополнителни мерки за расчистување на околностите поврзани со настанот.
