Фото: Принтскрин/Телевизија Стар
Турски државјанин, осомничен за синоќешното убиство во центарот на Штип, е приведен од страна на полицијата. Основното јавно обвинителство Штип соопшти дека лицето, по кое се трагаше во врска со вооружениот инцидент, е лоцирано и лишено од слобода. При апсењето е пронајден и огненото оружје кое се сомнева дека било употребено при настанот.
„Од страна на МВР сме известени дека лицето е приведено, а пронајдено е и оружјето. Обвинителството презема дејствија и во текот на денот ќе биде покрената соодветна постапка“, наведуваат од обвинителството.
Инцидентот се случи доцна синоќа во угостителски објект на Градскиот плоштад во Штип, каде според официјални информации од Клиничката болница во градот, животот го загубил дваесет и петгодишниот Е.О., странски државјанин.
Видео: Tv Star – Телевизија Стар
