Повторно црн чад над Ватикан – сè уште не е избран нов Папа

Од оџакот на Систинската капела денеска се издигна црн чад, што јасно укажува дека ниту во вториот круг од гласањето кардиналите не успеале да изберат нов поглавар на Римокатоличката црква, јавува „Еуроњуз“.

Гласањето започна вчера попладне, кога официјално беше отворена конклавата за избор на 267-миот папа. Во изборниот процес учествуваат 133 кардинали од различни делови на светот, кои се затворени во Ватикан додека не се постигне согласност за новиот свет отец.

Првото гласање се одржа уште синоќа, но резултатот повторно беше негативен. Симболично, избирањето на нов папа се објавува преку бел чад од оџакот на капелата – знак дека бил постигнат консензус меѓу кардиналите.