Фото: Пожарна Скопје
На 7 мај 2025 година, околу 23:32 часот, во Полициското одделение во Кичево е пријавен пожар што избувнал во стан лоциран на улицата „4 Јули“ во Кичево. Станот бил во сопственост на 72-годишната З.С., жителка на истиот град.
За жал, сопственичката на станот трагично го загубила животот како последица на повредите здобиени во пожарот. Смртта била констатирана од страна на медицински тим од Итната медицинска помош кој веднаш пристигнал на местото на настанот.
По пријавата, на лице место излегле истражна екипа од ОВР Кичево и јавен обвинител, кои извршиле увид за да ги утврдат околностите под кои настанал пожарот.
