Фото: Принтскрин
Неверојатно, но вистинито – Малик Шакировиќ успеа да направи нешто што изгледаше невозможно! За само 3 минути и 25 секунди тој „положи“ 30 ќебапи и со тоа постави нов рекорд на натпреварот во јадење ќебапи организиран од Тетекс. Освен аплаузите и восхитот од публиката, Малик си замина и со парична награда од 500 евра.
Неговиот подвиг се запиша како најбрзо време досега постигнато во историјата на овој натпревар и сигурно ќе остане тема на разговор уште долго време во Тетово.
Но, не беше само за победа – и останатите финалисти покажаа одличен апетит и борбен дух. Тетекс им додели ваучери во вредност од 1.000 денари како благодарност за учеството и добрата забава што ја донесоа на настанот.
