„Мора да направиме сè за да го зачуваме македонскиот јазик“, порача претседателката Сиљановска Давкова

Македонскиот јазик претставува суштински столб на националниот идентитет и клучен белег на самостојната, суверена и независна држава Македонија. Тој не е само средство за комуникација, туку и длабоко вкоренет дел од нашата историја, култура и самобитност.

Претседателката на државата, Гордана Сиљановска-Давкова, во своето обраќање на свечената академија организирана од Македонската академија на науките и уметностите (МАНУ), подвлече дека македонскиот јазик има многу подлабоки историски корени од формалното признавање пред 80 години. Таа потсети дека во одредени периоди од минатото, неговата употреба била дури и целосно забранета од некои политички и институционални структури.

„Македонскиот јазик бил систематски потиснуван и негиран од соседните пропаганди, неговите средновековни биле разграбувани или уништувани, неговите говорители биле насилно асимилирани или прогонувани, а самиот јазик бил третиран како дијалект те на еден, те на друг нам туѓ јазик. И мора да направиме се за да го заштитиме“, кажа претседателката.