Фото: Принтскрин
Здравствената состојба на Владимир Блажев, попознат под уметничкото име Панчо од музичкото дуо ДНК, се подобрува по тешките повреди што ги здоби во трагичниот пожар кој се случи во дискотеката „Пулс“ во Кочани.
По речиси 40 дена поминати на Одделот за интензивна нега, Блажев е префрлен на друго одделение во приватната клиника „Систина“, каде ќе продолжи со процесот на рехабилитација и закрепнување. Според медицински извори, неговата состојба е стабилизирана, но закрепнувањето ќе биде долготрајно.
Јавното обвинителство претходно соопшти дека Блажев е меѓу осомничените за предизвикување на пожарот, поради сомнение дека во просторот била внесена пиротехника, што се смета за една од можните причини за трагедијата.
Во катастрофалниот настан животот го загубија 62 лица, а уште 197 беа повредени, од кои некои со тешки телесни повреди.
