Фото: Принтскрин
Пред официјалниот почеток на средбата, министерот за внатрешни работи Панче Тошковски се извини на семејствата на жртвите поради тоа што досега не остварил директна средба со сите нив, нагласувајќи дека со дел од родителите веќе имал комуникација во претходниот период.
Во своето обраќање, Тошковски потенцираше дека вистината мора да излезе на виделина и дека без целосна правда не може да се зборува за нормално и функционално општество. Тој додаде дека во интерес на истрагата не може да открие дополнителни информации во моментот, но изрази цврста волја институциите да постапат без политички или друг вид влијанија.
Министерот, исто така, информираше дека во рамки на истражната постапка за трагичниот случај, досега се осомничени повеќе високи функционери – меѓу кои актуелен министер, директор на Дирекцијата за заштита и спасување, како и градоначалник.
Видео: Курир.мк
