(Видео) Детали од МВР за престрелката на Бит Пазар: Дошле со мотор и почнале да пукаат

Министерството за внатрешни работи (МВР) објави детали за вчерашната престрелка на Бит Пазар, каде што едно лице го загуби животот.

„На 25.04.2025 околу 14.00 часот во СВР Скопје е пријавено дека на ул.„Војдан Чернодрински“ на подрачјето на Бит Пазар има пукање од огнено оружје. Полициски службеници од Полициската станица Бит Пазар и полициски службеници од Единицата за интервентна полиција излегле на местото и било констатирано дека се работи за престрелка помеѓу две лица кои со мотор дошле и почнале да пукаат кон лице кое било веќе на локацијата, при што А.С.(31) од Скопје за здобил со прострелна рана и е пренесен во Комплексот клиники „Мајка Тереза“, каде што околу 16.00 починал“, соопштија од МВР. 

Се преземаат мерки за пронаоѓање на лицата и за расчистување на случајот.

Видеото на Слободен печат може да го погледнете ТУКА.