Фото: Принтскрин
На 23 април 2025 година, околу 19:30 часот, во СВР Скопје бил пријавен случај на измама од страна на 65-годишен жител од скопскиот регион.
Според неговата изјава до полицијата, тој бил доведен во заблуда од лице со иницијали Ф.„Н“ во текот на периодот од мај до септември 2024 година, при што му предал вкупна сума од 23.000 евра.
Парите, како што стои во пријавата, му биле дадени во неколку наврати со цел да посредува при вработување на неговиот внук. Но, и покрај ветувањата, договорената услуга не била исполнета, а лицето Ф.„Н“ престанало да комуницира со него, што го натерало пријавителот да се обрати до надлежните органи.
Од Министерството за внатрешни работи информираат дека се преземаат сите неопходни мерки за целосно расчистување на случајот.
