Фото: Принтскрин
На денешната седница посветена на пратенички прашања, премиерот Христијан Мицкоски остро одговори на прозивките од опозицијата, нагласувајќи дека политичката пресметка наскоро ќе добие одговор од граѓаните.
„За пет месеци од денес, започнува предизборната кампања за локалните избори. Тогаш народот ќе одлучи – кој политички ќе си замине, а кој ќе продолжи напред“, кажа Мицкоски.
Овој негов коментар беше реакција на прашањето поставено од пратеникот Митко Трајчулески од редовите на СДСМ, кој побара одговорност од Владата и од некои министри во врска со трагичниот настан што се случи во дискотеката „Пулс“ во Кочани.
„ВМРО-ДПМНЕ се уште е под прогон на обвинители од времето кога СДСМ ги бираше. Ако обвинителот одлучи дека треба да одам во затвор, ќе одам. Никому ништо. Не треба да се плашиме. И затвор е за луѓе“, посочи премиерот.
