Просечната плата во Македонија стигна до 700 евра, но сè уште е зад останатите земји од регионот

Според најновите податоци на Државниот завод за статистика, просечната нето-плата по вработен во Македонија за месец февруари 2025 година достигнала 43.053 денари, што приближно изнесува околу 700 евра.

Сепак, анализата на платите во поширокиот регион покажува дека Македонија сè уште заостанува зад некои од соседите по висината на просечната плата.

Во Србија, на пример, просечната месечна нето-плата во февруари 2025 изнесувала 94.125 динари, што е еквивалент на околу 803 евра.

Бугарија, од друга страна, покажува значителен напредок. Во декември 2024 година, просечната бруто месечна плата во земјата изнесувала 2.468 лева (приближно 1.261 евра), додека нето платата достигнала 1.915 лева, што е околу 980 евра.

Грција, која се обидува да се стабилизира по годините на економска криза, бележи просечна плата од 1.342 евра.