И покрај можната уставна измена, Македонија нема сигурност дека нема да се соочи со нови барања на патот кон полноправно членство во Европската Унија.
Еврокомесарката за проширување, во изјава дадена за Европската новинска агенција, потенцира дека целосно ја разбира разочараноста и фрустрацијата на македонските граѓани, но сепак нагласува дека Унијата не може да понуди конкретни гаранции во однос на натамошниот тек на преговорите.
Според неа, процесот на проширување е комплексен и динамичен, со можност за појава на нови услови и барања кои произлегуваат од политички или правни промени во рамките на самата ЕУ.
„Разбираме дека ова не е лесно прашање. Промена на Устав. Гаранции не може да има, но тоа што го очекувам од сите земји членки кога има билатерални прашања, е разговорите да се водат со добра волја и со визија да се дојде до компромис“, рече Кос.
