Приведен 91-годишник од Тетово – пукал со оружје во 2 часот по полноќ

Во Тетово, полициските служби привеле 91-годишен маж по пријава поднесена од неговиот 66-годишен син, во која се наведува дека тој испукал огнено оружје.

Според информациите од СВР Тетово, инцидентот се случил во ноќните часови помеѓу недела и понеделник, неколку минути пред 2 часот по полноќ, на улицата „116“ во Тетово.

Полициски службеници реагирале веднаш и го привеле лицето со иницијали Р.С., жител на Тетово. Тој бил приведен и задржан во полициска станица, каде што ќе биде спроведена понатамошна постапка.

На самото место на инцидентот, истражен тим од СВР Тетово извршил увид и пронашол пиштол марка „Црвена застава“ со калибар од 7,65 милиметри, како и рамка со шест неиспукани куршуми.