Фото: Принтскрин
На денешната седница на Советот на Општина Кочани, советниците избраа нов вршител на должноста градоначалник – независниот советник Венко Крстевски.
Тој доби поддршка од деветмина членови на Советот, додека еден советник беше воздржан од гласањето.
Процесот на избор се одвиваше во два круга на гласање, но исходот остана идентичен – Крстевски обезбеди девет гласови „за“, наспроти својот противкандидат, Гоце Марковски од редовите на ВМРО-ДПМНЕ, кој доби поддршка од осум советници.
