Фото: Spasen Siljanovski
Македонскиот фолк пејач Спасен Силјановски, добро познат по својата емоција и искреност во настапите, во моментов се наоѓа на турнеја во далечната Австралија, каде што ужива во огромната поддршка и љубов од македонската дијаспора.
Пејачот редовно споделува видеа и фотографии од концертите и дружењата со своите фанови, пренесувајќи ја топлината и атмосферата која ја создава низ настапите. Настапите се исполнети со енергија, песни од срце и неизбежна носталгија за татковината.
Денес, Спасен приреди едно посебно изненадување – ја посети познатата двојка Татјана и Новица, кои веќе подолго време живеат во Австралија. Ваквиот гест ги трогна домаќините, а средбата беше исполнета со емоции и радост.
