Фото: Принтскрин
Центарот за управување со кризи (ЦУК) официјално потврди дека велешанецот Стојче Пецевски, кој беше пријавен за исчезнат, е пронајден мртов.
Според информациите од ЦУК, во утринските часови немало соодветни временски услови за активирање на хеликоптерска потрага. За жал, телото на Пецевски било откриено непосредно пред да започне воздушната акција, во пределот на ридот ГРООТ, лоциран над Велес.
Стојче исчезнал вчера околу 10:50 часот додека планинарел заедно со неколку други ентузијасти. Претходно беше покрената широка акција за негово пронаоѓање, во која се вклучија спасувачи и доброволци.
