Фото: Скопје ЗОО
Скопската зоолошка објави дека јагуарката Инес починала во длабока старост, откако не ја издржала битката со најлошата болест.
Инес имаше метастазиран канцер и тумори на повеќе органи, објавија од Скопје ЗОО.
„За жал Инес во длабока старост не ја издржа битката со најлошата болест. Денеска не напушти, борејќи се со метастазиран канцер и тумори на повеќе органи. Изминатиот период заедно со Факултетот за ветеринарна медицина направиме се што може за подобрување на благосостојбата на јагуарката и олеснување на здравствените проблеми преку стручни прегледи, анализи и компјутерска томографија до лекување на оваа страшна болест која одзема милиони жртви годишно, како кај луѓето, така и кај животните. Јагуарката Инес имаше 22 години, а просечниот животен век на овие величествени мачки во природата е од 12-15 години, додека во зоолошките градини најстарите животни доживуваат до 23 години. Искрено ќе фалиш на целиот тим на ЗОО Скопје и зоонегувателите кои со години се грижеа за тебе“, се вели во објавата на Скопје ЗОО.
