Повеќе од една недела трае потрага по исчезнато лице од штипско

Сè уште нема трага од повозрасното лице од селото Степанци, општина Штип, кое се води како исчезнато. И покрај интензивната потрага што се одвиваше вчера, во која учествуваа меѓу 70 и 80 лица, резултати сѐ уште нема. Дополнително, и други групи граѓани самостојно пребаруваа низ поширокиот реон и во близина на соседните села, надевајќи се дека ќе најдат каква било трага од исчезнатото лице.

Според достапните информации, лицето е последен пат забележано во саботата, на 5 април 2025 година, а неговото исчезнување било пријавено два дена подоцна, на 7 април, во 16:20 часот, преку бројот за итни случаи – 112.

Во потрагата активно се вклучија и доброволци, како и членови на неколку граѓански организации и здруженија, кои несебично го ставија својот капацитет на располагање.

Во првичната фаза на акцијата биле информирани Секторот за внатрешни работи Штип и Локалната самоуправа, а потоа биле ангажирани и други надлежни институции, јавни служби и граѓани кои можат да помогнат во координираните активности.