(Видео) Бројката на жртви расте: Починаа 113 лица, извлечено телото на пејачот од рушевините

Во урнатините на ноќниот клуб „Џет Сет“, утрово спасувачите го пронајдоа и телото на познатиот пејач Руби Перез, соопштија надлежните институции.

Од Центарот за вонредни состојби на Доминиканската Република потврдија дека телото на Руби било пронајдено во 6:10 часот. Портпаролот на Центарот, Хуан Мануел Мендез, истовремено информираше дека бројот на жртви се искачил на 113.

Да потсетиме, трагедијата во клубот „Џет Сет“ се случи во ноќта меѓу 7 и 8 април, за време на настапот на Руби Перез, кога одеднаш се урнал голем дел од покривот, кој паднал врз бината и подиумот. Несреќата се случила 44 минути по полноќ.

На местото на настанот брзо пристигнале спасувачки екипи, кои веднаш започнале со извлекување на преживеаните. Во уривањето на покривот биле повредени најмалку 155 лица, кои итно биле префрлени во најблиските болници.

Видеото може да се погледне ТУКА.