Во 00:46 часот заѕвони мобилниот телефон на претседателот на Доминиканската Република, Луис Абинадер. Беше познат број, па не се изненади што го повикале, но се шокира кога слушна за што станува збор.
Гувернерката на Монте Кристи, Нелси Круз, го повикала само неколку секунди откако се урнал покривот на познатиот ноќен клуб „Џет Сет“.
„Претседателе, покривот падна, ни е потребна помош“, му рекла Нелси Круз, само неколку минути по несреќата во клубот, во кој имало повеќе од 500 лица.
Меѓу заробените под урнатините била и самата Нелси.
Неколку минути подоцна, претседателот Абинадер добил официјална информација дека покривот навистина се срушил и дека загинале најмалку 13 лица – меѓу нив и гувернерката Нелси Круз.
Претседателот веднаш се упатил кон местото на трагедијата, каде веќе почнале да се собираат луѓе, очајно барајќи ги своите најблиски.
