Фото: Принтскрин
На 8 април 2025 година, околу 10:05 часот, на Граничниот премин Табановце при влез во Република Македонија, полициските службеници привеле 40-годишен државјанин на Грција, со иницијали С.П.П., поради сомнение дека се обидел да изврши кривично дело – „давање поткуп“, согласно член 358 став 1 од Кривичниот законик.
Според информациите од Министерството за внатрешни работи, лицето при вршење на гранична контрола предало документи за патничко моторно возило марка „Форд“ со германски регистарски ознаки, кое го управувал во моментот.
При тоа, во зелениот картон, кој е задолжителен за осигурување на возилото, била пронајдена банкнота во апоен од пет евра, што упатува на обид за поткуп на полициските службеници.
