Фото: Принтскрин
Сопственикот на ноќниот клуб „Џет Сет“ – местото каде што се случи страшната трагедија во која загинаа најмалку 98 лица по уривање на покривот за време на концерт на познат изведувач – првпат јавно се огласи, видливо потресен и со солзи во очите.
Антонио Еспаилат, познат бизнисмен чие семејство управува со клубот повеќе од половина век, изрази длабока тага и сочувство со семејствата на загинатите и повредените.
„Најпрво, им се обраќаме на сите семејства кои се погодени од несреќата што се случи во ‘Џет Сет’. Болката што ја чувствуваме е неизмерна и длабоко ја делиме со вас. Ова е најтежок момент во нашето постоење и зборовите не се доволни да ја опишат нашата тага“, изјави Еспаилат во емотивно видео објавено на официјалниот Инстаграм профил на клубот.
Тој додаде: „На сите мајки и татковци, браќа, сестри, деца и најблиски – бидете сигурни дека сме тука за вас. Во овие тешки мигови, секоја наша постапка е насочена кон тоа да ви бидеме поддршка, да споделиме со вас дел од болката и да помогнеме колку што можеме.“
🚨🇩🇴#BREAKING | NEWS ⚠️
— Todd Paron🇺🇸🇬🇷🎧👽 (@tparon) April 8, 2025
New footage of the Jet Set Night Club Mass Casualty event in Santa Domingo, in the Dominican Republic. More footage after the collapse of a large part of the roof killing at least 27 and 100 hospitalized some in serious condition.
They are still combing… pic.twitter.com/YZLdJXHEN1
