Фото: Принтскрин
Премиерот Христијан Мицкоски денеска од Владата упати остри критики на адреса на правосудниот систем, поради пресудата за трагичниот случај во Тетово, каде животот го загуби младата Теодора.
Тој изрази длабоко разочарување и згрозеност од одлуката на судот, кој на сторителот што го предизвика сообраќајниот инцидент и ја одзеде нејзината младост, му изрече само две години затворска казна.
„Јавно да прашам, има ли некој во државава кој смета дека тука имаме задоволена правда?! Јас не само што не сметам дека правдата е задоволена, но и како претседател на Владата, како човек и родител на две деца сум силно разочаран. Ова не е правда, и тука имаме потфрлање на системот по сите основи“, кажа премиерот.
