Таравари со детали за починатиот пациент во Литванија

Министерот за здравство, Арбен Таравари, потврди дека лицето кое го загуби животот во Литванија, поради тешките повреди здобиени во пожарот во кочанската дискотека „Пулс“, е 29-годишниот Александар Гавриловски.

Таравари изрази сочувство до семејството и блиските на Гавриловски, истакнувајќи дека тој бил меѓу најтешко повредените и веднаш по несреќата бил префрлен на лекување во странство.

„Во 11 часот почина и вториот пациент кој престојуваше во Литванија. Станува збор за Александар Гавриловски, кој имаше 29 години. Беше од Градската општа болница упатен во Литванија. Неговата состојба беше тешка од почеток, а од 4 април се влоши повеќе, а од вчера беше ставен на хемодијализа. Имаше 35 проценти изгореници од трет степен, изгореници на дишните патишта, еден од потешките пациенти од четирите критични“, кажа Таравари.