Јован Костадинов, ученик во завршна година при средното училиште „Ванчо Прќе“ во Виница, се истакна како вистински јунак за време на трагичниот пожар што ја потресе јавноста во Кочани.
Според сведоштва од очевидци, Јован без двоумење влегувал во чадот и хаосот за да им помогне на повредените.
„На почетокот мислев дека се работи за тепачка, но кога излезе црниот чад, сфатив дека е пожар. Не бев сам, имаше и други херои кои помагаа. Таа вечер никогаш нема да ја заборавам“, откри Јован за „МИА“.
