Кочанските планинари и долгогодишни активни доброволци-пожарникари, Тошо и Стојка Антови, чии живот беше засекогаш променет по трагичната загуба на нивната ќерка Ивона, започнаа иницијатива за изградба на меморијален споменик на Пониква, во близина на местото Аеродром.
„Во овој меморијален комплекс ќе има подигнато столб кој на секое скалило што ќе симболизира еден загинат живот и секоја година овој простор ќе се оплеменува со нови 60 садници во знак на сеќавање на сите загинати во пожарот во Кочани или како последица од оваа ужасна катастрофа“, вели Антов за „СДК.мк“.
Трагедијата што ја погоди Кочани на 16 март, кога во страшниот пожар во дискотеката „Пулс“ животот го загубија 59 млади луѓе, остави неизбришлив белег врз целата заедница.
Извор: СДК.мк
