Осмото издание на фестивалот „Џез Фактори“, кое ќе се одржи од 17 до 19 април, ќе ги собере љубителите на џез музиката во Народниот театар и Центарот за култура Битола. Овој престижен фестивал ќе понуди настапи на некои од најпознатите џез музичари, како од Македонија, така и од странство, кои ќе го збогатат ова културно случување.
Во рамките на фестивалот, традиционално ќе биде доделена и Наградата за најдобар млад џез-музичар во 2024 година, која го носи името на еден од најголемите македонски џез музичари, Гоце Димитровски. Оваа година наградата ќе му биде доделена на Теодор Јаневски, дипломиран џез-тапанар од Џез Одделот на Музичката академија на Универзитетот Гоце Делчев во Штип.
Наградата, која е резултат на соработката помеѓу Општина Битола и фестивалот „Џез Фактори“, ќе биде врачена на 19 април во 20 часот, на сцената на Народниот театар Битола, како дел од завршниот настап на фестивалот. Ова признание е значајно за промоцијата на младите таленти во џез музиката и претставува инспирација за идните генерации музичари.
