За реконструкција на Воената болница во Скопје и модернизација на охридскиот аеродром ќе бидат обезбедени 12,7 милиони евра, најави пратеничката Драгана Бојковска од ВМРО-ДПМНЕ.
Според неа, средствата ќе бидат инвестирани преку предложениот Закон за даночно ослободување, кој овозможува склучување анекс на договорот за концесија со компанијата ТАВ Македонија.
„Во главната градска болница во Скопје, повеќе нема да се оперира под покиснати тавани, пациентите и медицинскиот персонал нема да се возат во темни и застарени лифтови. Операционите сали пак, ќе се срушат до нула, а на нивно место ќе се изградат нови, во кои ќе има најсовремена хируршка опрема. Ќе се реконструира и одделението за интензивна нега, како и лабораториите. Скопската воена болница ќе добие целосно нов лик и биде додадена вредност во македонското здравство“, кажа Бојковска.
