Полициските служби вчера попладне лишија од слобода три лица од селото Луке, општина Крива Паланка – двајца браќа и нивниот татко, кои се осомничени за убиство на 84-годишниот Љ.С., жител на истото село.
Според информациите од Министерството за внатрешни работи, приведени се З.Ф. (24), С.Ф. (19) и С.Ф. (44), кои се сомничат дека го убиле Љ.С., за кого на 29 март 2025 година била поднесена пријава за исчезнување од страна на неговата ќерка.
По спроведената истрага, телото на починатиот било пронајдено закопано во близина на неговиот дом во селото. Полициски екипи извршиле увид на местото на настанот, а јавен обвинител наредил обдукција за да се утврдат точните причини за смртта.
